किन दिने कांग्रेसलाई मधेशमा मत ?
पर्शु घिमिरे । प्रधानमन्त्रीको पछिल्लो निर्वाचनका बेला प्रमुख प्रतिपक्षी दलका नेता खड्गप्रसाद ओलीले संसद्मा सम्बोधन गर्दै भनेका थिए–‘मधेसी दल भनेका नेपाली कांग्रेसकै कमजोरीका सहउत्पादन हुन्, २०१५ सालदेखि अहिलेसम्म मधेसी मुद्दा उठाएर जस-जसले खेतिपाती गर्दै आएका छन्, ती सबै कांग्रेसकै प्रशिक्षणमा हुर्केका नेताहरू हुन् ।’ त्यसबेला ओलीले मधेस केन्द्रित दलका वेदानन्द झादेखि गजेन्द्रनारायण सिंह, विजयकुमार गच्छदारदेखि महन्थ ठाकुरसम्मका एक दर्जन नेताको नाम लिन छुटाएनन् । मधेसी दल नेपाली कांग्रेसको कमजोरीका सहउत्पादन हुन् या होइनन् ? यसको विश्लेषणको पाटो छुट्टै छ, तर मधेसी दल भनेको नेपाली कांग्रेसकै प्रशिक्षणमा हुर्केका आवसरवादीहरूको जमात हो भन्ने ओलीको भनाइमा धेरै हदसम्म सत्यता छ । २०१५ सालमै नेपाली कांग्रेसको प्रशिक्षणमा हुर्केका वेदानन्द झाले तराई कांग्रेस नामक पार्टी खोलेर महोत्तरीमा चुनाव लडेका थिए, तर उनको जमानत जफत भयो । उक्त पार्टीले १ प्रतिशत पनि मत पाएन । २०४८ पछि नेपाली कांग्रेसका पूर्वनेता गजेन्द्रनारायण सिंहले नेपाल सद्भावना नामको नयाँ पार्टी खोलेर मधेस केन्द्रित राजनीति सुरु